Samarqandda qariyb 2 mlrd. so‘mlik elektr «uxlatildi»
Pastdarg‘om tumanida 1,8 mlrd so‘mlik elektr energiyasidan noqonuniy foydalangan fermer xo‘jaligi aniqlandi.
Bosh prokuratura huzuridagi Departamentning Samarqand viloyat boshqarmasi tomonidan o‘rganish o‘tkazilgan. Unda Pastdarg‘om tumanida faoliyat yurituvchi «X.I.» fermer xo‘jaligi rahbari E.T. «Xoncharbog‘» mahallasidagi nasos stansiyasining elektr hisoblagichi sxemasini buzib, jami 2 mln kVt/s elektr energiyasidan noqonuniy foydalanib, davlat va jamiyat manfaatlariga 1,8 mlrd so‘m zarar yetkazganligi aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Namanganda 1 mlrd. so‘mlik tabiiy gaz o‘g‘irlangani xabar berilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter