«Qo‘yliq»dagi mashinadan 14,5 mln. so‘m va 8,5 ming dollar o‘g‘irlagan shaxs ushlandi
Illyustrativ foto
2018 yilning 20 may kuni Toshkent shahrining Bektemir tumani «Qo‘yliq» dehqon bozorining 2-sonli pavilonida turgan «Neksiya» rusumli avtomashina yukxonasinidan 14 500 000 so‘mni va 8 500 AQSh dollarini o‘g‘irlab ketgan shaxs ushlandi.
IIV Jamoatchilik va ommaviy axborot vositalari bilan aloqalar boshqarmasining ma’lum qilishicha, qarovsiz qoldirilgan avtomobil Farg‘ona viloyati Dang‘ara tumanida yashovchi O.T.ga tegishli bo‘lgan.
O‘sha paytda holat yuzasidan jinoyat ishi qo‘zg‘atilgan bo‘lib, ko‘rilgan choralar natijasida ushbu jinoyatni Andijon viloyati Bo‘z tumanida yashovchi S.Q. sodir etganligi aniqlanib, ushlangan. Tergov harakatlari davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter