"Qamchiq" dovonida to‘xtatilgan mashinadan qurol chiqdi
“Qamchiq” dovonida "Damas" avtomobili to‘xtatilganda salonda qurol topildi. Bu haqda Yo‘l harakati xavfsizligi xizmati xabar berdi.
4-oktyabr kuni “Namangan” YPX maskanida YHXX “Qamchiq” dovoni bo‘yicha YPX otryadi xodimlari tomonidan "Vodiy-Toshkent" yo‘nalishida harakatlanib kelgan "Damas" rusumli avtomobil to‘xtatilgan. Ushbu avtomobil yo‘lovchisi, 1991- yilda tug‘ilgan M.M. tomonidan tegishli hujjatlari bo‘lmagan, xorijda ishlab chiqarilgan pnevmatik o‘q otish quroli olib ketilayotganligi aniqlangan.
Holat yuzasidan belgilangan tartibda hujjatlar rasmiylashtirilib, aniqlangan qurol hamda fuqaro M.M. Pop tumani IIB xodimlariga surishtiruvni davom ettirishlik uchun topshirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter