Namanganda uy portladi: bir oilaning besh a’zosi jabrlandi
12-dekabr kuni Namangan tuman Favqulodda vaziyatlar bo‘limiga Namangan tumanidagi uyda chaqnash oqibatida yong‘in sodir bo‘layotganligi to‘g‘risida ma’lumot kelib tushgan.
Namangan shahar va Namangan tuman FVB yong‘in qutqaruvchilari voqea joyga yetib borgan.
Chaqnash oqibatida yashash uyiniing shift va tom qismidan 20 kv.metr joyi hamda qisman uy-ro‘zg‘or buyumlari yonib zararlangan va xonadon egasi, turmush o‘rtog‘i, 3 nafar farzandi (2 nafar qiz va 1 nafar o‘g‘il) bolalar kuyib tan jarohati olgan.
Chaqnash sababi yashash xonadoniga tortib kelingan gaz trubasini jo‘mragi nosozligi sababli sizib chiqqan tabiiy gaz xonaga to‘planishi hamda uy egasining turmush o‘rtog‘i gaz hidini sezmagan holda elektr chirog‘ini yoqishi oqibatida sodir bo‘lgan, deyiladi xabarda.
Hozirda hodisa yuzasidan tergovga qadar surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter