Metroda kuzatilgan hodisa sababi ma’lum qilindi
Ijtimoiy tarmoqlarda «Milliy bog‘ bekatidagi poyezd buzilib qoldi» mazmunidagi xabarlar tarqaldi. Mazkur holat yuzasidan Toshkent metropoliteni axborot xizmati quyidagilarni ma’lum qildi.
Qayd etilishicha, joriy yilning 10 oktyabr sanasida soat 17:12 larda Chilonzor yo‘nalishining milliy bog‘-Novza peregoni estakasida harakatlanayotgan 29-sonli harakat tarkibida yo‘lovchilar oqimi ko‘p bo‘lgani bois texnik nosozlik holati kuzatilgan.
Ushbu harakat tarkibi 12 daqiqa vaqt davomida harakatlana olmagan. Mashinist tomonidan o‘rnatilgan tartibda ko‘rilgan chora-tadbirlar natijasida poyezd harakati qayta yo‘lga qo‘yilgan.
Hozirgi vaqtda yo‘nalishda poyezdlar harakati belgilangan jadval asosida amalga oshirilmoqda, deyiladi rasmiy munosabatda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter