Pastdarg‘omda itlar galasi noxush holatni yuzaga keltirmoqda (foto)
Samarqand viloyatining Pastdarg‘om tumani bozori hududida o‘nlab itlar avtoturargohdagi avtomobillar ostiga kirib olgan.
«Xabar.uz» foydalanuvchisining xabar berishicha, itlar galasi bozorga tushgan xaridorlar va avtomashinalar egalariga xavf tug‘dirmoqda.
Bu hodisa shu kunlarda respublikamizda kuzatilayotgan jazirama oqibati bo‘lishi mumkin. Hatto jonivorlar ham o‘zlariga salqin joy qidirib, shu kabi noxush holatlarni yuzaga keltirmoqda.
Eslatib o‘tamiz, Favqulodda vaziyatlar vazirligi 7-10-iyul kunlari O‘zbekiston aholisini anomal issiqlik va sel xavfidan ogohlantirgandi.
Cog‘liqni saqlash vazirligi esa bunday jaziramadan qanday saqlanish ehtiyot choralari haqida ma’lumot berdi.
O‘zbekiston gidrometeorologiya xizmati markazining xabariga ko‘ra, 8 iyul kuni ham respublikamizda jazirama davom etadi, ko‘plab hududlarda havo harorati +45 daraja issiq bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter