G‘allaorol tumanida ichki ishlar organlari xodimlari tomonidan tarkibida qimmatbaho rangli metall parchalari bo‘lishi mumkin bo‘lgan rudani talon-toroj qilish bilan bog‘liq qonunbuzarliklar fosh etildi.

Jumladan, 1988-yilda tug‘ilgan O‘.Yo.ning turar joyi ko‘zdan kechirilganida, molxonasida bir dona tosh maydalashga mo‘ljallangan tegirmon, ikki dona elektrodvigatel hamda 200 kilogramm tarkibida oltin zarralari bo‘lishi mumkin bo‘lgan ruda borligi aniqlandi.

Shuningdek, 1976-yilda tug‘ilgan S.P.ning molxonasidan ham tosh maydalash tegirmoni, 2 ta elektrodvigatel va 176 kilogramm tarkibida oltin zarralari bo‘lishi mumkin bo‘lgan ruda topildi. 

1996-yilda tug‘ilgan D.I. esa molxonasida tegirmon, 2 ta elektrodvigatel va 10 kilogramm ruda saqlayotgani aniqlandi. "Lalmikor" mahallasida yashovchi 1983 yilda tug‘ilgan M.Sh.ning molxonasida ham 22 kilogramm ruda borligi ma’lum bo‘ldi.

Barcha qonunbuzarliklarga aloqador ruda va uskunalar hujjatlashtirib olingan. Ushbu holatlar yuzasidan G‘allaorol tumani ichki ishlar bo‘limi tomonidan surishtiruv harakatlari olib borilmoqda.