Ertaga Yerga xavfli asteroid yaqinlashadi
2015 FF nomi berilgan asteroidning diametri 13 va 28 metr oralig‘ida ekani taxmin qilinyapti, bu katta ko‘k kit o‘lchamlariga teng.
NASA prognozlariga ko‘ra, ertaga, 12-avgust kuni potensial xavfli ulkan asteroid Yerga yaqinlashadi. Ulkan fazoviy toshning tezligi tovush tezligidan 27 baravar yuqori, deb yozdi «Live Science».
Yer havosida tovush tezligi taxminan 1200 km/soatni tashkil etadi, NASA «potensial xavfli» deya tasniflagan asteroidning tezligi esa — 33 000 km/soat.
2015 FF nomi berilgan asteroidning diametri 13 va 28 metr oralig‘ida ekani taxmin qilinyapti, bu katta ko‘k kit o‘lchamlariga teng. NASA olimlari fazoviy jism Yerdan 4,3 million kilometr olislikda uchib o‘tishini chamalashmoqda. Fazoviy o‘lchamlarda bu juda yaqin masofa.
Yerga 200 million kilometrgacha yaqin keluvchi barcha asteroidlar sayyoramizga daxldor obyektlar qatoriga kiritiladi, 7,8 million kilometrgacha yaqinlashuvchilari esa Yerga bevosita xavf tug‘diruvchi potensial xavfli asteroidlar sanaladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter