Eronda kuchli zilzila — qurbon va jarohatlanganlar bor
Eronning Tehron va Mozandaron viloyatlari tutash hududda kecha, 7-may sanasida kuchli zilzila sodir bo‘ldi. «Mehr» agentligi xabarida zilzila kuchi Rixter shkalasi bo‘yicha 5,1 ballga teng bo‘lgani aytiladi.
«Yer qimirlashi oqibatida Damovand shahrida 60 yoshli erkak kishi halok bo‘ldi, 11 kishi turli og‘irlikdagi jarohatlar oldi», deyiladi xabarda.
Xabarlarga ko‘ra, ushbu zilzila oqibatida Xurramobod shahrida joylashgan, Sosoniylar davrida qurilgan (224—651-yillar) Falak ol-Aflok qal’asiga jiddiy shikast yetgan. Xususan, qal’a devorlarida chuqur yoriqlar paydo bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter