Chirchiqda «Lacetti» yonib ketdi, uch kishi jarohat olgan
12-fevral kuni Toshkent viloyati, Chirchiq shahrida haydovchi, 2001 yilda tug‘ilgan J.G‘. boshqaruvidagi «Lacetti» rusumli hamda haydovchi, 1977 yilda tug‘ilgan D.N. boshqaruvidagi «Epica» rusumli avtomobillar ishtirokida to‘qnashuv sodir bo‘lgan.
To‘qnashuv natijasida «Lacetti» avtomobili haydovchisi rul boshqaruvini yo‘qotgan va yo‘l chetidagi beton to‘siqqa urilgan. Shundan so‘ng avtomobilda yong‘in yuzaga kelgan. Yong‘in o‘t o‘chiruvchilar tomonidan bartaraf etilgan.
Hodisa natijasida, ikkala haydovchi va «Lacetti» avtomobilida bo‘lgan yo‘lovchi tan jarohati bilan shifoxonaga olib ketilgan.
Mazkur YTH yuzasidan Chirchiq shahar IIB huzuridagi TB tomonidan tergovoldi surishtiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter