JCh-2022 g‘olibligiga asosiy da’vogar sifatida ko‘rilayotgan Argentina turnirni mag‘lubiyat bilan boshladi.

Saudiya Arabistoni 2-bo‘lim boshida 5 daqiqa ichida ikkita gol urib, Argentinaga qarshi o‘yinda irodali g‘alabaga erishdi.

Argentinaliklar uchrashuvning 10-daqiqasida Lionel Messining penaltidan kiritgan goli evaziga oldinga chiqib olishgandi. Bundan keyin Argentinaning uchta goli ofsayt tufayli VAR tomonidan bekor qilindi.

Saudiyaliklar ikkinchi bo‘lim boshida ikkita gol bilan munosib javob qaytardi.

Qolgan daqiqalarda Argentina qanchalik harakat qilmasin, Osiyo jamoasi himoyasini buzib o‘ta olmadi. Shu tarzda turnirdagi dastlabki sensatsiya qayd etildi.

JCh-2022. S guruhi. 1-tur. 

Argentina – Saudiya Arabistoni 1:2
Gollar: 1:0 – 10, penalti Messi, 1:1 – 48 Ash-Shahri, 1:2 – 53 Ad-Dovsariy.

Argentina – Martines, Molina, Otamendi, Romero (Martines, 59), Talyafiko (Akunya, 71), Di Mariya, Gomes (Alvares, 59), Paredes (Fernandes, 59), De Paul, Messi, Martines.

Saudiya Arabistoni – Al-Ovays, Abdulhamid, Al-Bulayhiy, Tombakti, Ash-Shahroniy, Ad-Dosariy, Al-Faraj (Al-Obid, 45), Kanno, Al-Malki, Al-Bureykan, Ash-Shahri (Al-Ganam, 78).

Ogohlantirishlar: Al-Malki (67), Al-Bulayxi (75), Ad-Dovsariy (79), Abdulhamid (82).