Yevropa chempionatining S guruhida so‘nggi tur o‘yinlari bo‘lib o‘tdi. Unda Niderlandiya oson g‘alabaga erishgan bo‘lsa, Ukraina qiyin vaziyatga tushib qoldi.

Guruh peshqadami Niderlandiya so‘nggi tur o‘yinida Shimoliy Makedoniya darvozasiga javobsiz 3ta to‘p kiritdi. Birinchi bo‘limda Depay hisobni ochgan bo‘lsa, ikkinchi taymda Veynaldum dublga erishdi. 

2-o‘rin uchun kechgan bahsda esa Avstriya qiyin uchrashuvda Ukrainani taslim etdi.

Ukraina — Avstriya 0:1

Gol: Baumgartner (21).

Ukraina – Buщan, Matviyenko, Mikolenko (Besedin, 85), Karavayev, Zabarniy, Zinchenko, Shaparenko (Marlos, 68), Malinovskiy (Sigankov, 46), Sidorchuk, Yarmolenko, Yaremchuk. 

Avstriya – Baxmann, Hinteregger, Dragovich, Alaba, Layner, Zabitser, Shlager, Laymer (Ilzanker, 72), Baumgartner (Shopf, 33), Grillich, Arnautovich (Kalayjich, 90).

Shimoliy Makedoniya — Niderlandiya 0:3

Gollar: Depay (24), Veynaldum (51, 58).

Shimoliy Makedoniya – Dimitriyevski, Velkoski, Musliu, Ristovski, Alioski, Elmaz, Bardi (Stoyanovski, 78), Traykovski (Hasani, 68), Ademi (Nikolov, 79), Trichkovski (Churlinov, 56), Pandev (Kostadinov, 69). 

Niderlandiya – Stekelenburg, Dumfris (Bergeys, 46), Blind, de Ligt, van Anxolt, Veynaldum, Gravenberx, de Yong (Gakpo, 79), de Vrey (Timber, 46), Depay (Vegorst, 66), Malen (Promes, 66).

Ushbu bahslardan keyin Avstriya ikkinchi o‘rin egasi sifatida 1/8 finalda Italiya bilan bahs olib borishi aniq bo‘ldi. Ukraina esa 3-o‘rinda qoldi va endi Shevchenko shogirdlari qolgan guruhlardagi 3-o‘rinlarning natijasini kutishga majbur. 

Eslatib o‘tamiz, Yevro-2020 guruh bahslarida birinchi va ikkinchi o‘rinni egallagan jamoalar hamda olti guruhda to‘rtta eng yaxshi ko‘rsatkichga ega uchinchi o‘rin egalari pley-offga chiqadilar.