Toshkentdagi Nurafshon ko‘chasining bir qismi vaqtincha yopiladi
Bugun, 1-avgust kuni soat 22:00dan Toshkentdagi Nurafshon aylanma ko‘chasining Ko‘kcha Darvoza (sobiq Mannon Uyg‘ur) ko‘chasi bilan kesishmasidan to Chilonzor-Oqtepagacha bo‘lgan qismi vaqtincha yopiladi. Ko‘chaning bu qismi bo‘ylab avtotransportlar qatnovi vaqtinchalik to‘xtatiladi. Bu haqda Toshkent shahar hokimligi matbuot xizmati xabar berdi.
Harakatlanish cheklangan vaqtda Yo‘l harakati boshqarmasi texnik vositalaridan foydalanish departamenti yo‘l belgilarini yangilash, ta’mirlash ishlarini olib boradi. Toshkent shahar hokimligi vaqtinchalik noqulayliklar uchun aholidan uzr so‘ragan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter