Shu yilning 7 yanvar kuni Toshkent shahridagi elektron auksionda radar va kameralar o‘rnatishga mo‘ljallangan 69 ta hudud sotildi. Bu haqda E-auksion ma’lumotlaridan kelib chiqib Spot xabar berdi.

Hududlarning umumiy boshlang‘ich narxi 306,45 mlnni tashkil etgan bo‘lsa-da, savdodan tushgan jami tushum 20,99 mlrd so‘mga yetdi. Auksion davomida narxlarning umumiy qiymati 68,5 barobarga oshdi.

Deyarli barcha nuqtalarni uchta xaridor sotib oldi: bitta jismoniy shaxs va ikkita kompaniya — Microyol va 64-BIT. Deyarli barcha savdolar 10−11 soat davom etdi, chunki ishtirokchilar doimiy ravishda stavkalarni oshirib bordilar.

Eng ko‘p lotni 64-BIT xarid qildi (43), ilgari ham u radarlar uchun maydonlarni ommaviy ravishda sotib olgandi. Microyol esa 7 ta hududni sotib olgan bo‘lsa, jismoniy shaxs 19 ta uchastka xarid qildi.

Eng qimmat ob’yekt — Bog‘ishamol ko‘chasi bo‘ylab hayvonot bog‘i yonidagi hudud, u 750,06 mln so‘mga sotildi, bu boshlang‘ich bahodan 277,8 baravar qimmat deganidir. Buning uchun taklif 12 soat 35 daqiqa davom etdi.

Tadbirkorlarga joriy yilning 1 martidan boshlab yo‘llarga kameralar va radarlar o‘rnatishga ruxsat berildi. Yer uchastkalari onlayn auksionlar orqali taqdim etiladi.

Auksion g‘oliblari uchastkalarni boshqa tadbirkorlarga o‘tkazish huquqi bilan cheklanmagan muddatga oladi. 2021−2022 yillarda shu tarzda 3356 ta videokamera va 763 ta radar o‘rnatish rejalashtirilgan.

Estalib o‘tamiz, Toshkentda radar o‘rnatish joyi avval ham juda katta summaga sotilgandi.