«Spark» jahon bozorini tark etadimi?
Ekspertlar jahon avtomobil bozorini tark etishga yaqin turgan atomobillar ro‘yxatini tuzishdi (TOP-10). Ro‘yxatga nafaqat eski, balki ikki-uch yil ilgari chiqarilgan, biroq savdosi yurishmayotgan avtomobillar ham kiritilgan.
«Car.ru» xabar berishicha, bozordan ketishga da’vogarlar reytingi yetakchisi — «Audi R8». Sababi, yaxshi sotilmayapti. Xuddi shu muammoga «Audi TT Roadster» va «Audi A5 Cabriolet» ham duch kelgan.
Krossoverlarga talab kuchayib ketgani «Buick LaCrosse» hamda «BMW 3-Series Gran Turismo»ga aks ta’sir qildi. «Chevrolet»lar — «Impala», «Sonic», «Spark» va «Volt» eskirgan modellar sifatida ro‘yxatga kiritildi.
Reytingning oxirgi qatorlarini «Mercedes-Benz SLC» hamda «Volkswagen Beetle» avtomobillari band etgan. Ularning nufuzi havoga zaharli gazlar chiqarish ko‘rsatkichlari qalbakilashtirilgani uchun tushib ketgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter