5-yanvardan «Toshkent — Chimkent» yo‘nalishi bo‘yicha avtobus qatnovi yo‘lga qo‘yiladi
O‘zbekiston va Qozog‘iston o‘rtasida avtobus qatnovi tiklanmoqda. Bu haqda «Xabar.uz»ga O‘zbekiston avtomobil va daryo transporti agentligidagi manba xabar berdi.
Manbaning ma’lum qilishicha, 2018-yilning 5-yanvarida texnik (sinov) reys qo‘yiladi. 8-yanvardan boshlab avtobuslarning doimiy qatnovi joriy etiladi. Avtobuslar har kuni 6:00 dan 20:00 gacha bir soat oraliq bilan qatnashi rejalashtirilgan. Qatnov «Toshkent» (O‘zbekiston) va «Chimkent» (Qozog‘iston) avtovokzallaridan boshlanib, shu yerda tugaydi.
Qatnovga eng zamonaviy avtobuslar qo‘yiladi. Ushbu avtobuslar nazorat-o‘tkazish punktlarida navbatsiz, ya’ni birinchi bo‘lib tekshirib o‘tkaziladi, bu orqali ularning postlarda uzoq turib qolmasligi ta’minlanadi. Avtobuslar O‘zbekistonning «G‘ishtko‘prik» va Qozog‘istonning «Jibek jo‘li» punktlaridan o‘tadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter