Samsung Galaxy S25 Ultra ҳақида илк маълумот берилди (видео)
Samsung Galaxy S25 Ultra
Samsung компанияси Galaxy S25 Ultra смартфони ҳақида илк маълумотларни эълон қилди.
Android Headlines ёзишича, бу инновацион юпқа дизайнга эга, телефотосенсори 5 зумли смартфон.
Galaxy S25 Ultra шу туркумнинг олдинги авлод смартфонларидан енгилроқ — 219 грамм. Солиштириш учун: Galaxy S24 Ultra — 232 г, яқинда сотувга чиққан iPhone 16 Pro Max — 227 г.
Galaxy S25 Ultra деярли барча ўлчамлар бўйича Galaxy S24 Ultra дан кичик — шунинг учун енгилроқ, бироқ ромлари янада ингичкалашгани ҳисобига экрани катталиги сақланиб қолган — 162,8 x 77,6 x 8,2 мм.
Ўлчами ва оғирлиги кичрайган Galaxy S25 Ultra смартфонининг аккумулятори сиғими ҳам олдинги авлодники каби 5000 мАсч. Қувватлаш технологияси ҳам ўша-ўша — 45 Вт гача. Процессори — Qualcomm Snapdragon 8 Gen 4.
Samsung Galaxy S25 туркумига кирувчи смартфонларнинг расмий тақдимоти 2025 йилнинг 13 январида ўтказилиши кутилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter