Huawei компанияси Huawei Cup 2021 – АКТ соҳасидаги Евросиё мусобақаси учун рўйхатдан ўтказиш бошланганини эълон қилди. Huawei компанияси 2015 йилдан буён АКТ соҳасидаги талабалар ва ёш мутахассислар учун ушбу таълим лойиҳасини амалга ошириб келмоқда. Унинг мақсади – иқтидорли ёш АКТ мутахассисларини жалб қилиш ва уларни касбий сифатларини мустақил равишда ривожлантиришга қизиқтиришдир. Ҳозирги кунга қадар танловда 50 мингдан ортиқ талабалар ва ёш АКТ мутахассислари иштирок этишди. Бу йилги рўйхатга олиш ишлари 23 августдан бошланди.

Huawei Евроосиё компанияси вице-президенти Ву Сай бу борада шундай дейди:

«Huawei Cup – бу Huawei компаниясининг Евросиёдаги етакчи таълим лойиҳаси бўлиб, у етти йилдан буён мунтазам равишда ўтказилиб келмоқда ва замонавий АКТ ечимлари билан ишлашни биладиган минглаб иқтидорли ёшларни бирлаштирмоқда. Мусобақа иштирокчилари – таълим муассасаларида берилаётган базавий таълим билан чегараланиб қолмаётган, синчков ақлий ўсиш ва камол топиш учун янгиликларни излаётган, янги билим ва инновацион ечимларга интилаётган шижоатли ёшлардир. Huawei Cup мусобақаси энг янги трендлар ва технологиялар билан танишиш, мартаба истиқболларини кенгайтириш ва АКТ соҳасидаги халқаро экспертлар ҳамжамиятининг бир қисми бўлишлари учун янги имкониятлар тақдим этаётганидан хурсандмиз. Ишончим комилки, Huawei Cup барча учун АКТ соҳасида профессионал ютуқ ва тадқиқотлар сари илк қадам бўлади ва бутун минтақанинг динамик ривожланаётган IT соҳасига кўплаб инновацияларни олиб киради».

Мусобақаларда Россия, Беларусия, Қозоғистон, Ўзбекистон, Қирғизистон, Мўғулистон, Туркманистон, Грузия, Арманистон ва Озарбайжондан бўлган 18 ёшга тўлган, 2021 йилги олий ва ўрта махсус касб-ҳунар таълими муассасалари талабалари, аспирантлари ва битирувчилари иштирок этишлари мумкин.

Иштирокчилар бепул онлайн мактабда ўз профессионал даражасини оширишлари ва мусобақага тайёргарлик кўришлари мумкин. Huawei экспертларига тегишли вебинарлар ва маърузалар жуда кўп нарсаларни билиб олишга ёрдам беради. Ушбу мактаб Huawei компаниясининг амалий кейслари ва янги технологиялари билан таништиради.

Мусобақалар бир неча босқичда ўтказилади. Рўйхатдан ўтиш 23 августдан бошланади, биринчи босқич викторинаси 1 сентябрдан 31 октябргача бўлиб ўтади.

Бу йил танлов олтита номинацияда ўтказилди: AI (сунъий интеллектнинг моделлари ва усуллари), Storage (маълумотларни сақлаш тармоқларини қуриш), IP (IP тармоқларининг технологиялари ва протоколлари), 5G (янги авлод мобил алоқа технологиялари ва стандартлари), APP (Мобил иловаларни лойиҳалаш) ва янги журналистлар учун IKT Observer (АКТ кузатувчиси) номинациясида ғолиблар аниқланади.

Танловда иштирок этиш учун huaweicup.ru сайтида рўйхатдан ўтиш керак.

Huawei компанияси ёш истеъдодларнинг барчасига рақамли билимларни эгаллашлари учун тенг имкониятлар тақдим этишга интилмоқда. Huawei Cup минтақавий мусобақалари билан бир қаторда, компания ҳар йили «Seeds for the Future» лойиҳасини ўтказади ва бу лойиҳа жорий йилнинг ноябр ойида ўтказилиши режалаштирилган. «Seeds for the Future» лойиҳасида Тошкент ахборот технологиялари университети, ИНҲА университети, Yeoju техника институти, Амити университети ва Турин политехника университети талабалари иштирок этишади.