Финляндияни Марказий Европа билан боғловчи ягона сувости алоқа кабели узилди
Финляндияни Марказий Европа билан боғловчи ягона сувости алоқа кабели — C-Lion1 узилгани маълум қилинди.
Болтиқ денгизи туби бўйлаб ётқизилган ва Финляндияни Германия билан боғловчи телекоммуникация кабели узилгани ҳақида оптик толали кабелларни ётқизувчи Cinia давлат компанияси баёнот берди.
Кабел атайин ёки тасодифан узилганми — номаълум. Кабел шикастланган нуқтага таъмирловчи кема етиб борган. Уни тиклаш икки ҳафтагача чўзилиши мумкин. Кабел узилгани билан Финляндияда алоқа сифати ёмонлашмаслиги тахмин қилиняпти.
C-Lion1 кабели 2016 йилда ишга туширилган, узунлиги — 1 172 километр. Россиянинг (2022 йилда ишдан чиқарилган) «Шимолий оқим» газ қувури билан ёнма-ён жойлашган (оралиқ масофа атиги бир неча юз метр).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter