«Спартак» ва Россия терма жамоасининг собиқ футболчиси коронавирусдан вафот этди
«Спартак» ва Россия терма жамоасининг собиқ футболчиси Василий Кульков 54 ёшида вафот этди. Бу ҳақда собиқ футболчининг рафиқаси Елена Махарадзе 10 октябрь куни «Чемпионат» нашрига маълум қилди.
Қайд этилишича, Василий Кульков коронавирусга чалинган бўлган. Бугун Кульков саратон хасталиги сабабли режали режалаштирилган операциядан ўтиши керак эди, аммо у реанимацияда вафот этган.
Василий Кульков «Спартак» таркибида 1989—1991 йилларда, шунингдек 1995—1997 йилларда тўп сурган. Жамоаси билан бирга СССР ва Россия чемпионлигини, шунингдек, кумуш ва бронза медалларни қўлга киритган. Бундан ташқари, «Бенфика», «Порту», «Зенит» ва «Крылья Советов» жамоалари шарафини ҳимоя қилган. Россия терма жамоаси таркибида спортчи 21 учрашувда майдонга тушиб, бешта гол урган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter