«Порту» 30-маротаба Португалия чемпионлигини қўлга киритди
«Порту» сафарда «Бенфика»ни 1:0 ҳисобида мағлуб этиб, Португалия чемпионати сўнгги тури арафасида мамлакат чемпионига айланди.
Ғалаба тўпини иккинчи таймга қўшиб берилган 6-дақиқада Зайду Сануси киритди.
«Порту» 33 ўйинда 86 очко тўплади ва 32 ўйиндан сўнг 79 очко билан иккинчи ўринда бораётган Лиссабоннинг «Спортинг» жамоасидан ета олмайдиган даражада узоқлашди.
«Бенфика» ҳисобида 72 очко бор, Лиссабоннинг бу жамоаси бронза медали билан кифояланадиган бўлди.
«Порту» 30-маротаба Португалиянинг футбол бўйича чемпионига айланди.
Маълумот: «Порту» (Порту шаҳри) ҳамда Лиссабоннинг «Бенфика» ва «Спортинг» жамоалари Португалия «Катта учлиги»ни ташкил этади, яъни энг совриндор жамоалари. Португалия чемпионатида «Бенфика» 37 марта, «Спортинг» 19 марта ғолиб бўлган. Уч жамоа ҳисобида ҳам жуда кўплаб кубоклар ва суперкубоклар бор, айниқса, «Порту» ва «Бенфика» Европа майдонларида ҳам яхшигина нуфуз қозонган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter