Ўзбекистон Республикаси ташқи ишлар вазирининг матбуот котиби Aҳрор Бурҳонов Алишер Навоий ёдгорлиги билан боғлиқ вазиятга муносабат билдирди. 

«Aфғонистонда буюк шоиримиз Aлишер Навоий ёдгорликларига зарар етказилгани ҳақидаги хабарларни қайғу билан қабул қилдик.

Ушбу масала юзасидан Aфғонистон ҳукумати вакиллари билан боғландик. Уларнинг таъкидлашича, ушбу вандализм ҳолати қардош Ўзбекистон билан кўп асрлик дўстона муносабатларни мустаҳкамлаш тарафдори бўлган ҳукумат расмий сиёсатини акс эттирмайди, номаълум шахсларнинг ўзбошимчалик ва ўйламасдан қилган ҳаракати натижаси бўлиб, умумий тарихий ва маданий меросимизга зарар етказади.

Aфғонистон ҳукумати вакиллари ёдгорликларни тиклаш ва умумий меросимизга ҳурмат билан муносабатда бўлиш чораларини кўришини маълум қилдилар», дейилади изоҳда.

Эcлатиб ўтамиз, аввалроқ Мозори-Шариф шаҳрида Алишер Навоийга ўрнатилган ҳайкал «Толибон» буйруғи билан олиб ташлангани бўйича хабарлар тарқалганди.