100 нафар ўқувчи илон гўшти қўшилган овқатдан касалланди — Ҳиндистон
Ҳиндистонлик 100 нафар бола мактабда илон гўшти қўшилган овқатдан заҳарланди, деб хабар берди Metro.
Давлат мактабида содир бўлган воқеадан ғазабланган ота-оналар катта йўлни тўсиб қўйганидан сўнг Инсон ҳуқуқлари миллий комиссияси (NHRC) суриштирув бошлади.
«Агар хабар тасдиқланиб, илон гўштидан овқат тайёрлангани исботланса, ўқувчиларнинг ҳуқуқлари жиддий бузилгани аён бўлади», — дейилади комиссия баёнотида.
Комиссия полицияга ҳодиса юзасидан батафсил ҳисобот тайёрлашни топширди.
Маҳаллий одамлар тергов ҳодисага ойдинлик киритишига ва келгусида бу каби ҳолатларнинг олди олинишига умид қилишмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter