Андроид қурилмалар учун Xabar.uz мобил иловаси. Юклаб олиш ×

Қашқадарёда директордан пул тама қилган сохта прокурор ушланди

Қашқадарёда директордан пул тама қилган сохта прокурор ушланди

Бош прокуратура ҳузуридаги Департаментнинг Шахсий хавфсизлик бўлими ҳамда Қашқадарё вилоят бошқармаси томонидан вилоятнинг Чироқчи туманидаги умумий ўрта таълим мактаби директорининг мурожаатига асосан ўтказилган тезкор тадбирда, фирибгарлик жинояти фош қилинди.

Хабарда айтилишича, ўзини Бош прокуратура ҳузуридаги Департаментнинг Қашқадарё вилоят бошқармаси тезкор ходими «Акмал» деб таништирган шахс мактаб директори З.Р.дан мактабда текшириш ўтказмаслик эвазига 400 АҚШ доллари пора талаб қилиб, шундан 2,2 млн сўмни турмуш ўртоғининг пластик картасига ўтказиб олган вақтида ашёвий далиллар билан ушланган.  

Терговга қадар текширув давомида, ўзини Департамент ходими деб таништирган фуқаро аслида ҳеч қаерда ишламайдиган, муқаддам фирибгарлик ва бошқа жиноятлари учун судланган Косон туманида яшовчи А.Т. эканлиги маълум бўлган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, вилоят прокуратурасига юборилган.

Бош прокуратура фуқаролардан шу каби фирибгарлик ҳолатларига дуч келганида зудлик билан Департамент шахсий хавфсизлик бўлимининг 71-202-86-67 (ички рақам 8088 ёки 8086) рақамли телефонига маълум қилишини сўрамоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг