Ўзбeкистон дeлeгацияси Эрдўғоннинг инаугурация маросимида иштирок этади
Шу йилнинг 9 июль куни Ўзбекистон Республикаси Олий Мажлиси Сенатининг раиси Ниғматилла Йўлдошев бошчилигидаги делегация Анқара шаҳрида Режеп Тоййип Эрдўғоннинг Туркия Республикаси президенти лавозимига киришиш маросимида иштирок этади. Бу ҳақда Ташқи ишлар вазирлиги матбуот хизмати хабар берди.
Эслатиб ўтамиз, Туркиянинг амалдаги президенти Ражаб Тоййиб Эрдўғон 24 июнь куни бўлиб ўтган президентлик сайловида ғалаба қозонгани маълум қилинганди. Сайлов натижаларига кўра, Эрдўғон 52,5 фоиз овоз билан 1-турнинг ўзида ғолиб бўлганди.
24 июнь куни Ўзбекистон Республикаси Президенти Шавкат Мирзиёев Туркия Республикаси Президенти Режеп Тоййип Эрдўғон билан телефон орқали мулоқот қилиб, сайловдаги ғалаба билан табриклаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter