Галдаги мўъжиза Австрияда юз берди
Австриянинг Тироль федерал ҳудудида 95 ёшли отахон коронавирусдан тузалиб, бугун, яъни 7 апрель куни клиникадан чиқди, деб ёзади «Kurier» нашри.
Маълумотларга кўра, қариялар уйида яшовчи отахонда 15 март куни янги инфекция аломатлари — ҳолсизлик, иситма ва йўтал кузатилган. У 18 мартдан бери Инсбрук клиникасининг инфекцион бўлимида даволанди.
Шифохонага ётгач бемор аҳволи кундан-кунга яхшилана бошлаган. Уч ҳафтадан сўнг, коронавирусга топширилган таҳлил натижалари манфий чиқди ва унга рухсат берилди. «Бу мўъжиза кекса ёшда ҳам ушбу касалликни енгиш мумкинлигини кўрсатди», — дейди инфекцион бўлим бошлиғи Роза Бельман-Вайлер.
Австрия соғлиқни сақлаш вазирлиги маълумотига кўра, республикада коронавирус туфайли вафот этганлар сони 243 нафарга етган, 12,5 минг киши касалланган. Айни вақтда ушбу мамлакатда бир кеча-кундузда коронавирусдан тузалганлар хасталикка чалинганлар сонидан ошади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter