Малайзия авиакомпанияси Ўзбекистонга мунтазам парвозларни йўлга қўяди
«Ўзавиация» агентлиги томонидан «Air Asia X Berhad» авиакомпаниясига Куала-Лумпур – Тошкент – Куала-Лумпур йўналишида мунтазам авиақатновларини амалга ошириш рухсатномаси расмийлаштириб берилди.
Авиакомпания томонидан мазкур йўналишда парвозлар А330 ҳаво кемасида амалга оширилади.
Эслатиб ўтамиз, бугунги кунда икки давлат ўртасида мунтазам авиақатновлар «Uzbekistan Airways» АЖ (ҳафтанинг чоршанба ва якшанба кунлари) ва «Batik Air» (ҳафтанинг душанба, жума ва шанба кунлари) томонидан Тошкент – Куала-Лумпур йўналишида ҳафтасига жами 5 та қатнов амалга оширилмоқда.
2024 йилда Ўзбекистон ва Малайзия ўртасида жами 49 749 та йўловчи ташилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter