Тошкентда ўқувчи қизга тегажоғлик қилган шахс суд қилинмоқда
Жорий йилнинг апрель ойида Тошкентда 17 ёшли ўқувчи қизга нисбатан 26 ёшли эркак тегажоғлик қилгани ҳақида хабар берилганди. Мазкур ҳолат юзасидан суд жараёнлари бошланди. Бу ҳақда Олий суд матбуот хизмати маълум қилди.
Қайд этилишича, жиноят ишлари бўйича Миробод туман судида Жиноят кодексининг 25,118-моддаси (номусга тегишга суиқасд қилиш) 3-қисми «а» бандида назарда тутилган жиноятни содир этганликда айбланаётган О.О.га оид жиноят ишини кўриб чиқиш бўйича суд жараёни бошланди.
Ушбу жиноят иши жиноят ишлари бўйича Миробод туман судининг раиси С.Содиқов раислигида Жиноят-процессуал кодексининг 19-моддаси (судда жиноят ишларининг ошкора кўрилиши) талабларига мувофиқ ёпиқ суд мажлисида кўриб чиқилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter