Тошкентда талаба метро поезди остига тушиб кетди
Бугун, 27 сентябрь куни соат 13:49да Тошкент метрополитени «Новза» бекатининг иккинчи йўлига Тошкент Иқтисодиёт университетининг 3-босқич талабаси тўсатдан тушиб кетган. Бу ҳақда «Ўзбекистон темир йўллари» АЖ матбуот хизмати хабар қилди.
Метрополитен ҳамда ички ишлар ходимларининг тезкор ҳаракати туфайли талаба ўз вақтида қутқариб олинди ва тез тиббий ёрдам машинасида шифохонага юборилди.
Талаба шифохонага кетишдан олдин тоби қочганлиги туфайли шундай воқеа содир бўлганлигини ва метрополитен хизматининг воқеада айби йўқлигини таъкидлаган.
Воқеа гувоҳларининг маълум қилишича, метро бекатга кириб келаётган пайтда талаба биринчи вагон остига тушиб кетган. Бахтли тасодиф туфайли йигит омон қолган ва метрополитен ҳамда ички ишлар ходимларининг кўрсатмалари остида биринчи вагон рельслар орасидан чиқиб олган. Сўнг у шифохонага олиб кетилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter