Онлайн танишув оқибати яхшилик билан тугамади
Жиззах вилояти Ш.Рашидов туманида яшовчи фуқаро И.А. «102» қисқа рақамига қўнғироқ қилиб, унинг ўғли И.У.ни номаълум шахслар томонидан дўппослангани ҳақида маълум қилган.
Қайд этилишича, у телеграм мессенжери орқали алдов йўли билан учрашувга чақирилиб, уриб-дўппосланган ҳамда унинг «Samsung» мобил телефони ва пул маблағлари тортиб олинган. Сўнг босқинчилар номаълум автоуловда воқеа жойидан яширинган.
Тезкор-қидирув тадбирлари натижасида ушбу хатти-ҳаракатларни Ш.Рашидов туманида яшовчи 3 нафар шахс: муқаддам ЖК 169-моддаси билан судланган 1992 й.т. С.С., 1999 й.т. Х.Ф. ва 2004 й.т. университет 1-курс талабаси З.Р. содир этганлиги аниқланган.
Юқоридаги фуқароларга нисбатан Жиноят Кодексининг 164-моддаси билан жиноят иши қўзғатилиб, тергов ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter