Жомбойдаги ЙТҲда туғуруқхонадан уйига олиб кетилаётган чақалоқ ҳам вафот этди
Жорий йилнинг 18 октябрь куни Жомбой туманидаги 4К-502 Ширинкент-Ғазира автомобиль йўлининг 10 километрида ўлим билан боғлиқ Йўл-транспорт ҳодисаси содир бўлди. Бу ҳақда Самарқанд вилояти ИИБ матбуот хизмати маълум қилмоқда.
Маълум қилинишича, «Spark» автомашинаси ҳайдовчиси Н.Н. йўлнинг қарама-қарши қисмига ўтиб кетиши натижасида «Nexia» автомашинаси билан тўқнашиб кетган.
Натижада «Spark» автомобили ҳайдовчиси ҳамда «Nexia» автомашинасида бўлган уч кунлик чақалоқ ҳалок бўлган.
Мазкур ҳолат юзасидан ЖКнинг 266-моддаси 3-қисми билан жиноят иши қўзғатилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter