Чироқчидаги айиқ ҳоким буйруғи билан ўлдирилди
Кеча Қашқадарё вилояти Чироқчи тумани қишлоқларидан бирига тоғдан айиқ тушгани ҳақида хабар берилган эди.
Қумдарё дарёсига яқин ҳудуддаги жарликда ҳосил бўлган ғор ичига кириб олгани ва у билан боғлиқ вазиятда ҳеч кимга зарар етмагани айтилганди.
Маълум қилинишича, Қизил Китобга киритилган қўнғир айиқ Чироқчи тумани ҳокимининг буйруғи билан отиб ўлдирилган ва барча телефонлардан унинг ўлдирилиши видеоси ўчиртирилган.
«Халқни айбламайман, аммо Қўнғир айиқнинг ўлимида туман ҳокими, йўқолиб бораётган жониворларни ухлатиб, қайтиб тоққа чиқариб юбора олмаган, унинг ўлимига сабаб бўлган Табиат ресурслари вазирлигини айблайман», дейилади ekologuz каналида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter