Лос-Анжелесда давом этаётган иммиграцион сиёсатга қарши намойишлар фонида Трамп ўз ҳукуматидан Калифорния губернатори, демократ Гавин Нюсомни, агар у ўз штатидаги федерал ҳаракатларга тўсқинлик қилишда давом этса, ҳибсга олишни сўрамоқда. Гевин Нюсом Лос-Анжелес кўчаларига Миллий гвардия қўшинларининг бўлишига қарши чиққан ва уни «ноқонуний ва ахлоқсизлик» деб атаганди.

«Қўшма Штатлар президенти амалдаги губернаторни ҳибсга олишга чақирмоқда. Мен Америкада бу кунни ҳеч қачон кўрмайман деб ўйлагандим», – деб ёзади Нюсом X ижтимоий тармоғида.

Айни пайтда Пентагон Лос-Анжелесга денгиз пиёдаларини юборган.

Калифорния расмийлари душанба куни президент Доналд Трампни штат суверенитетини бузганликда айблади ва уни Миллий гвардияни шаҳар бўйлаб жойлаштиришни тўхтатиш юзасидан судга беришини эълон қилди.

Кеча, душанба куни тушдан кейин 1000 га яқин Миллий гвардия аскарлари иммиграция норозиликларига қарши курашиш учун федерал буйруққа биноан аллақачон шаҳарда эди. Ҳодиса жойида яна 1000 нафар ҳарбийнинг бўлиши кутилмоқда, чунки Трамп маъмурияти 2000 кишини жойлаштиришга рухсат берган.

АҚШ Шимолий қўмондонлиги душанба куни берган баёнотида, Пентагон, шунингдек, иммиграция норозиликларини бартараф этишда Миллий гвардияга ёрдам бериш учун Лос-Анжелесга расман 700 га яқин денгиз пиёдаларини юборди.

«Буюруқни бекор қилинг. Калифорнияни яна назорат остига қайтаринг», – деб талаб қилди демократ Нюсом X ижтимоий тармоғидаги постида.

Трамп эса Truth Social ижтимоий тармоғидаги саҳифасида агар у Миллий гвардияни юбормаганида шаҳар «бутунлай вайрон бўлиши»ни айтди.

Калифорния бош прокурори Роб Бонта намойишлар кўлами Трамп қўшинлар сонини оширганидан сўнг кузатилган ва бу эса тартибсизликларга сабаб бўлган.

Эслатиб ўтамиз, бир муддат олдин Калифорниядаги тартибсизликларда Ўзбекистон фуқароларининг иштироки кузатилмагани ва ТИВнинг бу борадаги огоҳлантируви ҳақида хабар берилган эди.