Yamaha Motor компанияси президенти Ёсихиро Ҳидаканинг қизи отасига пичоқ билан ҳужум қилди. 

Япониянинг Сидзуока префектураси полицияси Yamaha Motor Company президенти Ёсихиро Ҳидаканинг қизи 33 ёшли Хана Ҳидакани ҳибсга олди. Kyodo агентлигининг полицияга таяниб хабар беришича, аёл отасига ҳужум қилган ва ошхона пичоғи билан унинг қўлига жароҳат етказган. Жаноб Ҳидаканинг жароҳати енгил бўлиб чиқди ва унинг ҳаёти хавф остида эмас.

Агентлик маълумотларига кўра, Yamaha Motor компанияси президентининг қизининг ўзи полицияга 16 сентябрга ўтар кечаси қўнғироқ қилган. У отаси урганини айтди. Бироқ, Tokyo Reporter нашрига кўра, воқеа жойига етиб келган 61 ёшли Ҳидака у ухлаб ётганида қизи унга пичоқ билан ҳужум қилганини айтган.

Хана Ҳидака ҳибсга олинган ва отасини ўлдиришга уринишда гумон қилинмоқда. Агентлик маълумотларига кўра,  компания президентининг қизи ишсиз ва ота-онаси билан бирга яшайди. Компаниянинг ўзи бу масала бўйича изоҳ беришдан бош тортди, чунки масала ҳали ҳам тергов остида.

Yamaha Motor Company - Япониянинг мототцикл ишлаб чиқарувчиси. У 1955 йилда Nippon Gakki Ltd'дан ажратилганидан кейин ташкил этилган. (ҳозирда Yamaha корпорацияси). Компания 2024 йил учун Forbes Global 2000 дунёдаги энг йирик оммавий компаниялар рўйхатида 1014-ўринни эгаллади.