Путиннинг касаллик сабабли истеъфога чиқиши бўйича хабарга изоҳ берилди
Россия президенти матбуот котиби Дмитрий Песков давлат раҳбари Владимир Путин касаллиги сабабли истеъфога чиқиши ҳақидаги материални бемаънилик деб атади.
Бу ҳақдаги хабар аввалроқ Британиянинг «Daily Mail» нашрида чиққан эди.
«Бу мутлақо бемаънилик. Президент яхши ҳолатда фаолият юритмоқда. Соғлиғи жуда яхши», - деган Песков.
Кремль вакили Путин истеъфога чиқмоқчи эмаслигини тасдиқлади.
Британиянинг «Daily Mail» газетасида Путин Паркинсон касаллиги сабабли 2021 йил январида кетишни ният қилгани ҳақида хабар берилган эди. Шу каби материаллар «The Sun» нашрида ҳам чоп этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter