Андроид қурилмалар учун Xabar.uz мобил иловаси. Юклаб олиш ×

Путин ўзини «қотил» дея атаган Байден билан учрашди

Путин ўзини «қотил» дея атаган Байден билан учрашди

АҚШ президенти Жо Байден ва Россия президенти Владимир Путин Женевада учрашди. Бу ҳақда «Reuters» хабар қилди.

«Биз ушбу учрашувдан катта натижаларга эришишни кутмаяпмиз»,— деди АҚШнинг юқори мартабали амалдорлари журналистларга.

«Мен бирон бир келишувга эришилишига амин эмасман»,— деди Путиннинг ташқи сиёсат бўйича маслаҳатчиси Юрий Ушаков ҳам.

Эслатиб ўтамиз, сўнгги йилларда АҚШ-Россия муносабатлари энг қуйи поғонага тушиб кетгани айтилади. 2014 йил Қримнинг қўшиб олинишидан бошланган совуқ муносабатлар, Навалнийнинг заҳарланиши, киберҳужумлар фонида янада ёмонлашиб борди. Ҳар икки мамлакат ўз элчиларини чақириб олди. Бундан ташқари, Украина, Сурия можароларидаги турли ёндошув ҳам вазиятни кескинлаштирмоқда. 

Шу йилнинг март ойида журналистнинг «Путинни қотил дея ҳисоблайсизми?» деган саволига Байден «ҳа» дея жавоб берган, бу эса Россия сиёсий доиралари ғазабини қўзғаганди. 

 

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг