Андроид қурилмалар учун Xabar.uz мобил иловаси. Юклаб олиш ×

Майкл Блумберг АҚШ президентлик пойгасидан чиққанини эълон қилди

Майкл Блумберг АҚШ президентлик пойгасидан чиққанини эълон қилди

Фото: «Forbes»

Тадбиркор Майкл Блумберг Демократик партиядан АҚШ президентлик сайлови пойгасидан чиқишга қарор қилди. Бу ҳақда «Bloomberg» хабар бермоқда.

Таъкидланишича, у 3 март куни «Super Tuesday»да кам овоз тўплаганидан сўнг шундай қарорга келган.

Блумберг АҚШнинг собиқ вице-президенти Жо Байден номзодлигини қўллаб-қувватлашини билдирган.

«Уч ой олдин мен Доналд Трампни (АҚШнинг амалдаги президенти) мағлуб этиш учун сайлов кампаниясига кирдим. Бугун мусобақани худди шу сабабга кўра тарк этяпман», — деди бизнесмен.

АҚШ президентлиги учун собиқ номзод — Майкл Блумберг сайлов кампаниясига шу пайтгача 500 миллион доллардан ортиқ (509,5 млн. доллар) маблағини сарфлаганлиги ҳақида хабар берган эдик.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг