Forbes энг кўп миллиардерлар яшовчи шаҳарларни аниқлади

Forbes энг кўп миллиардерлар яшовчи шаҳарлар рейтингини эълон қилди.
Нашрга кўра, биринчи ўринда Нью-Йорк жойлашди. Шаҳарда жами 123 нафар миллиардер яшайди. Ню-Йоркнинг собиқ мэри ва ва тадбиркор Майкл Блумберг улар орасида энг бойи ҳисобланади ($105 млрд).
Россия пойтахти Москва иккинчи ўринга кўтарилди — 90 нафар миллиардер. Бир йилда уларнинг сони 16 нафарга кўпайди. Москвада яшовчи миллиардерларнинг жами бойлиги — $409 млрд. Энг бой москвалик — Вагит Алекперов ($28,7 млрд, «Лукойл» асосчиси).
Рейтингда учинчи ўринда Гонконг қайд этилди, 72 нафар миллиардер. Таъкидланишича, Гонконг ўтган йили рейтингда иккинчи ўринда эди.
Миллиардерлар сони бўйича кейинги ўринларда жойлашган шаҳарлар: Лондон (4), Пекин (5), Мумбай (6), Сингапур (7), Шанхай (8), Сан-Франциско (9), Лос-Анжелес (10).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter