Turkiyada yo‘lovchi avtobusining ag‘darilib ketishi oqibatida besh kishi halok bo‘ldi
Turkiyaning Diyorbakir shahrida avtobus bilan sodir bo‘lgan YTHda besh kishi halok bo‘ldi, 22 kishi jarohat oldi, deb xabar berdi TRT Haber telekanali.
«Diyorbakirda yo‘lovchi avtobusining ag‘darilishi oqibatida dastlabki ma’lumotlarga ko‘ra, 5 kishi, jumladan, bir bola halok bo‘ldi, 22 kishi jarohat oldi», — deyiladi telekanal xabarida.
Ma’lumotlarga ko‘ra, YTH mamlakat janubi-sharqidagi Diyarbakir-Silvan avtomobil yo‘lining 65-kilometrida sodir bo‘lgan.
Voqea joyiga ko‘plab tez yordam, qutqaruvchilar va politsiya xodimlari jo‘natilgan. Jarohatlanganlar yaqin atrofdagi shifoxonalarga yetkazilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter