Reuters: Tramp ma’muriyati JSTga pul ajratishni to‘xtatdi
Donald Tramp ma’muriyati xarajatlarni qisqartirish munosabati bilan Qo‘shma Shtatlarning Jahon savdo tashkilotiga (JST) boj to‘lashni to‘xtatdi. Bu haqda Reuters bir qator manbalarga tayanib xabar bermoqda.
Jenevada joylashgan savdo nazorati tashkilotining 2024-yil uchun budjeti taxminan 232 million dollarni tashkil etdi, agentlikning ta’kidlashicha, uning 11 foizi, ya’ni uning global savdodagi ulushiga mutanosib ko‘rsatkich — AQSh hissasiga to‘g‘ri keladi.
Jurnalistlarga ko‘ra, AQSh hukumati delegati JST yig‘ilishida xalqaro tashkilotlarga badallar ko‘rib chiqilgunga qadar to‘lovlar to‘xtatilgani, aniqroq ma’lumotlar keyinroq berilishini aytgan.
Agentlikning yana bir suhbatdoshi JST moliyalashtirishda uzoq vaqt tanaffus bo‘lgan taqdirda “B rejasi”ni ishlab chiqayotganini ta’kidladi, biroq tafsilotlarga to‘xtalmadi.
Hozirda tashkilotning AQSh tomonidan moliyalashtirish to‘xtatilgani haqida rasmiy e’lon qilinmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter