Bishkekdagi tartibsizliklarda bir kishi halok bo‘ldi
Qirg‘iziston poytaxtining tez yordam xizmati bergan ma’lumotga ko‘ra, bugun tongda kasalxonalarga 590 kishi turli jarohatlar bilan murojaat qiligan. Bir kishi esa halok bo‘lgan.
439 kishiga birinchi tibbiy yordam ko‘rsatilib, abmulatoriya davolanishiga jo‘natilgan.
Jarohat olgan 150 kishi kasalxonaga yotqizildi. Ularning 13 nafari jonlantirish bo‘limida qolmoqda.
Bishkekning «Ala-Too» maydonida huquq tartibot organlari bilan saylovning natijasiga qarshi chiqqan bir necha ming norozilarning o‘rtasida to‘qnashuv bo‘ldi. Uning natijasida 6 oktyabr kuni tongi soat uchlarda mitingchilar «Oq uy» bilan MXDQning binosiga kirib borishdi. Bundan tashqari Bishkek meriyasining ham binosi mitingchilar tarafidan olingan.
Miting ishtirokchilari saylovni tan olmasliklarini bildirib, saylovni qaytadan o‘tkazishni talab qilishgan.
Norozilik aksiyalari mamlakatning boshqa shaharlarida ham o‘tmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter