«Google» onlayn o‘yinlar servisi ustida ish olib bormoqda
«Google» kompaniyasi «Yeti» servisini ishga tushiradi.
«Google» kompaniyasi o‘yinlar sanoatiga katta qiziqish bildirmoqda. Dunyoning eng yirik qidiruv giganti yangi «Yeti» servisini ishga tushiradi, deb xabar berdi «4PDA».
Ma’lumotlarga ko‘ra, korporatsiya «NVIDIA GeForce Now», «Sony PlayStation Now» va boshqa shu turdagi servislar uchun o‘z analogini yaratmoqda. Bu borada «Google» «Yeti» servisi ustida dasturchilar bilan muzokara o‘tkazyapti. Kompaniya masofadan turib o‘yinni ishga tushirish imkonini beradigan yangi pristavkani yaratish niyatida.
«Yeti»ning mohiyati ham boshqa yirik kompaniya serverlarida o‘yinni «ishga tushirish»dan iborat. Bunda o‘yinchidan faqatgina yuqori tezlikda internetga ulanuvchi kompyuter talab etiladi, xalos.
Mish-mishlarga ko‘ra, «Google» yangi servisni joriy yilning 19 mart sanasida bo‘lib o‘tadigan «Game Developer Conference 2018» o‘yinlar konferensiyasida taqdim etishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter