Xalq ta’limi vazirligi tomonidan 16 yoshga to‘lgan maktab bitiruvchilari 2022-2023-o‘quv yili oliy ta’lim muassasalariga kirish test sinovlarida ishtirok etish uchun o‘z vaqtida fuqarolik pasporti, ya’ni ID-karta olishlari lozimligi haqida ma’lum qilgan edi. Bu esa ayrim abituriyentlarda turli savollarni keltirib chiqarmoqda.

Davlat test markazining ma’lum qilishicha:

• joriy yilda ham oliy ta’lim muassasalarining bakalavriat ta’lim yo‘nalishlariga kirish test sinovlari uchun abituriyentlarni onlayn ro‘yxatga olish my.dtm.uz sayti orqali onlayn tarzda amalga oshiriladi;
• ro‘yxatga olishda abituriyentlarning rasmi va pasport ma’lumotlari Davlat personallashtirish markazidan onlayn rejimda olinadi;
• buning uchun abituriyentda biometrik pasport yoki ID-karta bo‘lishi lozim;
• biometrik pasportga ega bo‘lgan abituriyentlar ID-karta olishlari shart emas.

Abituriyentlar biometrik pasport bilan ham my.dtm.uz sayti orqali onlayn ro‘yxatdan o‘tishlari mumkin.

Eslatbi o‘tamiz, aprel oyi oxirida test topshiriqlari soni va baholash mezonlari aniq bo‘lgan edi.