Har bir joyning ko‘chalari uning ruhi va tarixini o‘zida aks ettiradi. Ularning nomlari faqatgina manzil belgilash emas, balki insonlarning hayoti, madaniyati va urf-odatlarining bir bo‘lagi. Shu tarzda, har bir ko‘cha nomi o‘sha yerning xotirasini, uning tarixi va madaniyatini shakllantiradi. Quyida dunyodagi eng mashhur 15 ta ko‘cha haqida qisqacha ma’lumot berib o‘tamiz.

1. «Acorn Street» – Boston, Massachusets, AQSh Bostonning tarixiy «Beacon Hill» tumanida joylashgan «Acorn Street» AQShdagi eng ko‘p suratga olinadigan ko‘chalardan biri hisoblanadi. XIX asrda bu yerda badavlat savdogarlar va rassomlar yashagan. G‘ishtdan qurilgan uylar va gaz fonarlar ko‘chani romantik muhitga burkab turadi.

2. «Champs-Élysées» – Parij, Fransiya Parijning ramziy xiyoboni hisoblangan «Champs-Élysées» har kuni yuz minglab sayyohlarni jalb etadi. U Konkord maydoni va G‘alaba arkasi o‘rtasida joylashgan bo‘lib, shaharning moda, madaniyat va tarix markaziga aylangan.

3. «Abbey Road» – London, Buyuk Britaniya «The Beatles» guruhi bilan mashhur bo‘lgan «Abbey Road» Londondagi eng mashhur yo‘llardan biriga aylangan. Bu yerdagi piyodalar yo‘lagida suratga tushish uchun minglab tashrif buyuruvchilar keladi.

4. «Via Giudecca» – Burano, Italiya Italiyaning Burano orolidagi «Via Giudecca» ko‘chasi o‘zining jozibali rangli uylari va tiniq suvli kanallari bilan mashhur. Rivoyatlarga ko‘ra, uylarning juda yorqin bo‘yalishi baliqchilar tomonidan tumanli kunlarda yo‘l topish oson bo‘lishi uchun qilingan.

5. «Bourbon Street» – Yangi Orlean, Luiziana, AQSh Fransuz kvartalida joylashgan «Bourbon Street» shahar tungi hayotining yuragi hisoblanadi. Musiqalar, yorqin chiroqlar va neon shamlar bu ko‘chani haqiqiy bayram muhitiga aylantiradi.

6. «Calle Ciegos» – Xeres, Ispaniya «Calle Ciegos» – Ispaniyaning Jerez shahridagi tarixiy uzumzorli ko‘cha bo‘lib, ko‘p asrlik uzum toklari ostida sayr qilish imkonini beradi. Bu joy «Xeres» vinosi va madaniyati bilan mashhur.

7. «Beale Street» – Memfis, Tennessi, AQSh «Beale Street» – Amerikaning musiqa tarixida muhim o‘rin tutuvchi ko‘cha. Bu yerda «Blues, Rock-n-Roll va Jazz» janrlaridagi afsonaviy ijrochilar chiqish qilgan. Bugungi kunda ham jonli musiqa barlari va restoranlar mehmonlarni qarshi oladi.

9. «Alberobello Streets» – Pugliya, Italiya UNESCO merosi ro‘yxatiga kiritilgan «Alberobello» shaharchasidagi ko‘chalar oq toshdan qurilgan, konussimon tomli trulli uylari bilan ajralib turadi. Bu uylar va tarixiy muhit fotosurat muxlislari uchun ajoyib fon hisoblanadi.

9. «Jinli Ancient Street» – Chendu, Xitoy Sin sulolasi davriga borib taqaladigan «Jinli» ko‘chasi tarixiy savdo yo‘li sifatida mashhur. Bugungi kunda u sayyohlar uchun qadimiy do‘konlar, mahalliy gazaklar va an’anaviy hunarmandchilik mahsulotlari bilan to‘lgan joy.

10. «Times Square» – Nyu-York, AQSh «Times Square» – Nyu-Yorkning dunyodagi eng shovqinli sayyohlik nuqtalaridan biri. Ulkan neon ekranlar, sahnalashtirilgan namoyishlar va «Broadway» teatrlari bu maskanni hayot bilan to‘ldiradi.

11. «Lombard Street» – San-Fransisko, Kaliforniya, AQSh Dunyodagi eng egri ko‘cha sifatida mashhur bo‘lgan «Lombard Street» San-Fransiskoning o‘zgacha topografiyasini namoyon etadi. Sakkizta o‘tkir burilishli qism, gulzorlar bilan o‘ralgan bo‘lib, har yili millionlab sayyohlarni jalb qiladi.

12. «Nyhavn» – Kopengagen, Daniya Kopengagenning qirollik mo‘’jizasi – «Nyhavn» XVII asrdan buyon port vazifasini bajarib keladi. Qayiqlar va rango-rang uylar bilan o‘ralgan kanal atrofida kafelar joylashgan bo‘lib, bu yerda jonli muhit hukm suradi.

14. «Royal Mile» – Edinburg, Buyuk Britaniya Shotlandiya poytaxtidagi «Royal Mile» Edinburg qal’asini Xolirud saroyi bilan bog‘laydi. Bu tarixiy ko‘chada muzeylar, an’anaviy shotland do‘konlari va tarixiy pablar joylashgan.

14. «La Rambla» – Barselona, Ispaniya Barselona yuragidagi «La Rambla» – shovqin-suron va madaniyat uyg‘unlashgan ko‘cha. U Kataloniya maydonidan Port Vellgacha cho‘zilib, artistlar, bozorlar va tarixiy binolar bilan to‘lib-toshgan.

15. «Philosopher’s Path» – Kioto, Yaponiya «Philosopher’s Path» – Kiotodagi tinchlik va falsafa ruhini uyg‘otuvchi joy. Kanal yoqasidagi tosh yo‘l bahorda gilos gullari bilan yanada sevimliroq bo‘ladi.