Tuxel Zidandan o‘zib ketdi
«Chelsi» bosh murabbiyi Tomas Tuxel — YChLning yangi rekordchisi. U turnirdagi dastlabki 50 o‘yinda g‘alaba qozonishlar soni bo‘yicha Zinedin Zidandan o‘zib ketdi.
«Ko‘klar» YChL 1/8 finalida safarda Lill (Fransiya) ustidan 2:1 hisobida zafar qozonganidan so‘ng, Tuxelning hisobida dastlabki 50 o‘yindan so‘ng 32 g‘alaba bor. Uning g‘alabalari soni Zidan (31)nikidan bitta ko‘p, deb yozdi «Opta Sports».
Yana kimlar maqtana oladi?
Turnirda dastlabki 50 o‘yindan so‘ng eng yaxshi ko‘rsatkichga erishgan bosh murabbiylar: Xosep Gvardiola (30), Visente del Boske (29) va Diyego Simeone (28).
Ekspertlar juda muhim bir faktni ham e’tibordan qochirishmadi: «Bavariya» sobiq bosh murabbiyi Yupp Haynkessda ham 32 g‘alaba bor, faqat u bu natijaga 47 o‘yindan so‘ng erishgan!.. Har qanaqasiga hisoblansa ham nemislar oldinda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter