O‘zbekiston superligasining 6-tur uchrashuvlari yakunlandi.

Toshkentning «Bunyodkor» klubi moliyaviy muammolarni boshdan kechirayotgan bo‘lishiga qaramay, musobaqada g‘alabali yurishini davom ettirib, o‘z ta’qibchilaridan 4 ochkoga ilgariladi. Ushbu turda «Metallurg»ni qabul qilgan «qalbirg‘ochlar» 3:1 hisobida g‘alaba qozondilar.

Turning markaziy bellashuvi esa Qarshida bo‘lib o‘tdi. Mamlakat chempioni — «Lokomotiv» bilan kuch sinashgan Qarshi klubi legionerlar gollari evaziga zafar quchdi.

Yana bir qiziqarli uchrashuv esa «Paxtakor» stadionida bo‘lib o‘tdi. «Qizilqum»ni qabul qilgan «Paxtakor» 2:1 hisobida g‘alaba qozondi. Hal qiluvchi gol 76-daqiqada penaltidan kiritildi.

«Neftchi» esa hamon o‘ziga kela olgani yo‘q. Farg‘onaliklar «mag‘lubiyatli seriya»ni davom ettirib, o‘z maydonida «Buxoro»ga imkoniyatni boy berishdi.

Natijalar quyidagicha:

«Bunyodkor» – «Metallurg» — 3:1 (0:0).
Gollar: Sh.Nurmatov (56), S.Sobirxo‘jayev (67), J.Ibrohimov (85) – Sh.Shaymanov (82-pen.).

«So‘g‘diyona» — «Navbahor» — 3:2 (0:2).
Gollar: J.Abdumo‘minov (77), D.Karimov (81), I.Abdullayev (90+4) – Z.Pirimov (3), A.Turg‘unboyev (38).

«Nasaf» – «Lokomotiv» — 2:1
Gollar: I.Golban (64), D.Cheran (70) - D.Turopov (54).

«Paxtakor» – «Qizilqum» 2:1
Gollar: T. Bezerrv (34), I. Gonsalvesh (76, penalti), N. Yovanovich (62, penalti)

AGMK – «Qo‘qon-1912» 0:0

«Neftchi» – «Buxoro» 0:1
Gol: A. Ibragimov (85)