Mbappe Fransiya termasida o‘ynashni istamayapti: sabab ma’lum
Madridning «Real» klubi va Fransiya terma jamoasi hujumchisi Kilian Mbappe endi mamlakat terma jamoasida o‘ynashni istamayapti. Bu haqda Get French Football News xabar bermoqda.
Manbaning ta’kidlashicha, futbolchining bosh murabbiy Dide Desham bilan munosabatlari keskin yomonlashgan. Qayd etilishicha, Mbappe terma jamoani hozirgi murabbiy boshqarayotgan bir paytda o‘ynashi dargumon.
7-noyabr kuni Mbappe Italiya va Belgiyaga qarshi Millatlar ligasi o‘yinlariga Fransiya terma jamoasiga chaqirilmadi.
Shuningdek, oktyabr oyida u Fransiya terma jamoasi safida faqat muhim o‘yinlarda o‘ynashni istayotganini ma’lum qilgandi.
Mbappening «Real» klubidagi debyuti ham uncha omadli chiqmayapti. Jumladan klub yaqinda ashaddiy raqibi «Barselona»ga yirik hisobda imkoniyatni boy berdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter