Osiyo Chempionlar ligasida 2-bosqich saralash o‘yinida «Paxtakor» o‘z maydonida Iroqning «Eyr Fors» klubi bilan bahs olib borayotgani haqida xabar bergandik.

Uchrashuvda «Paxtakor» 2:1 hisobida g‘alabaga erishdi va keyingi bosqichga chiqdi.

O‘yinda Jaloliddin Masharipovning akrobatik usulda hamda Marat Bikmayevning jarimadan urgan supergollari poytaxtliklarga g‘alaba keltirdi.

«Paxtakor» OChL saralashining navbatdagi pley-off bosqichida BAAning «An-Nasr» klubi bilan o‘ynaydi. Bellashuv 19-fevral kuni safarda o‘tkaziladi. G‘olib jamoa OChL guruh bosqichiga yo‘l oladi.

Paxtakor (O‘zbekiston) – Eyr Fors (Iroq) 2:1

Gollar: Masharipov (76), Bikmayev (84) – Hammadiy (87)

«Paxtakor»: Sanjar Quvvatov, Farrux Sayfiyev, Yegor Krimets (S), Sherzod A’zamov, Xojiakbar Alijonov, Sadriddin Abdullayev, Odil Hamrobekov, Jaloliddin Masharipov, Dragan Cheran, Jasurbek Yaxshiboyev (Dostonbek Hamdamov, 61), Marat Bikmayev

«Eyr Fors»: Muhammad Kassid, Suad Notiq (S), Ahmad Abdulridxa, Samih Said, Zaher Medani (Ahmad Kadhim, 74), Muhammad Qosim (Hammadi Ahmad, 57), Muhammad Ali, Muayad Ajaan, Emad Mohsin, Solomon Uilyams (Ali Yusuf, 62)