UEFA ChL, 1/8 final: «Lion»ni yenggan «Yuventus» turnirni tark etdi
UEFA Chempionlar ligasi 1/8 finali javob o‘yinida «Yuventus» «Lion»ni mag‘lub etdi. Turindagi o‘yinda 2:1 hisobi qayd etildi.
«Oq-qoralar»ning dublini Krishtianu Ronaldu o‘z hisobiga yozib qo‘ydi. Gollarning birini o‘n bir metrlikdan kiritdi. Portugal yulduzi 14-mavsumdirki, ChL pley-off bosqichida tinmay raqiblarga gol urmoqda.
Fransuzlar safida Memfis Depay o‘zini ko‘rsatdi, u ham golini penaltidan urdi.
Jamoalar o‘rtasidagi birinchi o‘yinda (26-fevral) «Lion» o‘z maydonida 1:0 hisobida g‘alaba qozongandi.
Har ikki o‘yin natijasiga ko‘ra, safarda urilgan gol sharofati bilan fransuzlar keyingi bosqichga chiqishdi. Bu bosqich oson bo‘lmaydi, bittadan o‘yin o‘tkaziladi, «Lion»ni esa «Real»ni yengib o‘tgan «Manchester Siti» kutmoqda.
UEFA ChL, 1/8 final. Javob o‘yini
Yuventus — Lion — 2:1
Gollar: Ronaldu (43 — penalti, 60) — Depay (12 — penalti).
Birinchi o‘yin — 0:1.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter