Android qurilmalar uchun Xabar.uz mobil ilovasi. Yuklab olish ×

Pyanich Fayzullayevga «Barsa»ga qanday o‘tish haqida maslahat berdi

Pyanich Fayzullayevga «Barsa»ga qanday o‘tish haqida maslahat berdi

Moskvaning SSKA klubi yarim himoyachisi Miralem Pyanich jamoadoshi Abbosbek Fayzullayevning «Barselona» o‘yinchisi bo‘lish orzusini qanday amalga oshirishi mumkinligini aytdi.

«Abbos ajoyib fazilatlariga ega. Agar u «Barselona»ga o‘tishni istasa, orzusiga ishonishi va unga qarab harakat qilishi kerak. Yo‘l juda qiyin va uzoq, ammo har qanday holatda undan uzoqlashmasligi lozim. Har kuni jiddiy ishlashi, mashq qilishi va hamma narsada yaxshiroq bo‘lishga intilishi zarur. Boshqa tavsiyam yo‘q», — deydi «Barselona» sobiq futbolchisi.

Ma’lumot uchun, o‘zbekistonlik futbolchi 2023 yil yozidan beri moskvaliklar tarkibida to‘p tepib kelmoqda. Bu davrda u barcha turnirlarda 60 o‘yinda ishtirok etib, 8 ta gol va 21 ta golli pas berdi. Futbolchining klub bilan amaldagi shartnomasi 2026 yil yozigacha amal qiladi. «Transfermarkt» portali taqdim etgan ma’lumotlarga ko‘ra, hozirda futbolchining narxi 8 million yevroni tashkil qiladi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring